原來手語咁好玩
一首歌，化成一個故事，一個故事，化成一個劇情，一個劇情，化作無數版本，不同版本，演繹同一首歌，你話係咪好好玩？
一個手勢，不同的感受，意義各有不同，可以詼諧，可以正經；可以輕鬆，可以嚴肅；可以白話，可以文言；可以高深，可以傳真。你話係咪好好玩？
一個故事，各自表述；眼裡無字，腦中有畫；表達不同，意思無異；喜怒哀樂，七情上面；化作文字，各自精彩。你話係咪好好玩？
我係專業，你係專一；我搞活動，你好開心；我冇心機，你好傷心；住土瓜灣，愛食西瓜；打鑼打鼓，去銅鑼灣；手勢相似，意義各異，你話係咪好好玩？
讀書拍拖地下情，畢業拍拖現人前；警察本應抓壞人，監守自盜被拘捕；身份角色既不同，手語有異不足奇；原來手語咁有趣，你話係咪好好玩？
原來手語咁好玩，難怪瘋鋒咁瘋狂！
Posted by in 17:30:02
